20. mars 2012 02:09

Lestrarátak- og náttfatapartý

Nemendur Hvanneyrardeildar fögnuðu glæsilegum árangri lestrarátaks sem þau luku nú í febrúar. Keppt var á milli bekkja deildarinnar um fjölda lesinna mínútna og þar fór 4. bekkur með sigur úr bítum. Sigurvegararnir fengu  að velja verðlaun sem allir bekkir fengu að njóta og völdu þau að halda náttfatapartý eins og meðfylgjandi myndir sýna. Partýið heppnaðist eins og best var á kosið. Flestir nemendur sýndu mikinn áhuga og metnað og margir uppskáru gríðarlegar framfarir í lestri í átakinu.

Einnig var keppt innbyrðis í hverjum bekk um fjölda mínútna þar sem þessir nemendur skoruðu hæst:

1. bekkur: Unnur Björg Ómarsdóttir

2. bekkur: Þorvaldur Örn Þorvaldsson

3. bekkur:  Óskar Óðinn Sigtryggsson

4. bekkur: Ásdís Lilja Arnarsdóttir.

 Ásdís Lilja las mest allra nemenda, samtals 24 klst á aðeins 3 vikum, geri aðrir betur J

23. febrúar 2012 11:37

Öskudagur

Hér á Hvanneyri mátti greina óvenju mikla mannlífsflóru í dag eins og sjá má á meðfylgjandi myndum.  Nemendur grunnskólans og leikskólans skunduðu uppábúin um staðinn og buðu starfsfólki fyrirtækja og stofnanna uppá söng.  Þeim var alls staðar tekið fagnandi og fengu að launum kræsingar.  Er heim í skóla var komið var svo slegið upp dansleik þar sem DJ Óli sá tónlistina og Íris tók að sér faglega dansráðgjöf.

Í lok skóladagsins var svo boðið uppá öskudagsflatbökur.

21. febrúar 2012 01:49

Bolludagur

Nemendur 3. og 4. bekkjar á Hvanneyri hófu góðverkavikuna með glans og bökuðu rjómabollur sem runnu ljúft ofan í nemendur og starfsfólk. Tímasetningin var vel valin því ekki einungis var bolludagur heldur var einnig verið að taka í notkun ný húsgögn í matsal skólans. Það fór því vel á þvi að slá upp lítilsháttar veislu. Myndir frá bolludeginum eru komnar inn á myndasíðuna. 

13. febrúar 2012 12:17

Skólaheimsókn og þorrablót

Fimmtudagurinn s.l  var annarsamur hjá okkur á Hvanneyri.  Skólahópur Andabæjar kom í heimsókn og tók þátt í skólastarfinu með 1. og 2. bekk mestan part morgunsins.  Meðal annars tóku þau þátt í morgunverði og frímínútum.  Í hádeginu var svo efnt til þorrablóts í skólanum. 

Nemendur 3. og 4. bekkjar útbjuggu í tölvutíma boðskort til nemenda 1. og 2. bekkjar sem þau afhentu hverjum og einum.  Þegar yngri krakkarnir mættu á þorrablótið tóku svo eldri nemendur á móti þeim með kraftmiklum söng.  Þegar menn höfðu lokið við að þenja raddböndin var tekið hraustlega til matar síns auk þess sem nokkrir nemendur fluttu frumsamin skemmtiatriði milli rétta.

1. febrúar 2012 10:57

Nemendur hreinsa til

Í útitíma í gær fóru nemendur skólans um Hvanneyrarstað og tíndu rusl sem varð á vegi þeirra. Að lokinni ruslatínslu var sorpið flokkað. Þessi liður í takt við Grænfánann um að ganga vel um sitt nærumhverfi.

1. febrúar 2012 10:55

Sleðaferð í Efri - Hrepp

Sleðaferð var farin í brekkurnar í Efri-Hrepp fimmtudaginn 26.janúar sl. með aðstoð nokkra foreldrar sem sáu um að keyra börnum og sleðum fram og til baka og þökkum við þeim kærlega fyrir þessa aðstoð. Þessi dagur tókst mjög vel og skemmtu allir sér vel.

1. febrúar 2012 10:52

Skákdagurinn haldinn hátíðlegur

Haldið var upp á skákdag Íslands með því að nemendur í 3.-4. bekk hjálpuðu og kenndu nemendum í 1.-2. bekk mannganginn og aðstoðuðu þau við að tefla. Daginn eftir var síðan hraðskákamót hjá 3.-4.bekk.

24. janúar 2012 01:32

Snjógönguferð

Nemendur á Hvanneyri í snjógöngugferð í útikennslu. 

Álfaganga á Hvanneyri

Skólahald fellur niður á Kleppjárnsreykjum og Varmalandi

Foreldraviðtöl 12. janúar

KENNT ER Á HVANNEYRI Í DAG EN SKÓLI FELLUR NIÐUR Á KLEPPJÁRNSREYKJUM OG VARMALANDI

Dagskrá litlu jólanna

Heimilisfræði

Jólatrésferð

Jólakortin

Mikið um að vera á Hvanneyri

Dagur íslenskrar tungu

Rauði krossinn í hemsókn

Spurningakeppni á Hvanneyri

Göngutúr í fjósið

Steinar skoðaðir í samfélagsfræði

2. bekkur aðstoðar við matargerð

Skólahópur Andabæjar í heimsókn í skólanum