26. apríl sl. fór 10. bekkur í skólaheimsókn í Fjölbrautaskóla Vesturlands á Akranesi. Jens aðstoðarskólameistari, Ólafur námsráðgjafi og Inga Lóa, fyrrum nemandi á Kleppjárnsreykjum tóku á móti hópnum og fræddu krakkana um skólastarfið. Farið var í skoðunarferð um skólann, skoðuð aðstaða bæði til bóknáms og verknáms. Hópurinn hitti gamla nemendur frá Kleppjárnsreykjum. Heimavistin var skoðuð og þar hittu krakkarnir vistarstjórann sem fræddi þá um umgengnisreglur og ýmislegt fleira. Að lokum var hressing í mötuneyti skólans.

meira...

8. maí 2012 02:18

1. og 2. bekkur að tálga

Í dag voru nemendur í 1. og 2. bekk á Kleppjárnsreykjum í nýsköpun og sátu úti í blíðunni og tálguðu og pússuðu flotta hnífa.

meira...

24. apríl 2012 03:55

Myndir úr textílmennt

Myndir úr textílmennt 2011 - 2012

meira...

24. apríl 2012 03:18

12 krakkar á fermeter

Nemendur í 4. - 5. bekk gerðu tilraun í stærðfræði þar sem þau teiknuðu upp fermeter til að sjá hversu margir nemendur kæmust fyrir í honum. Allur bekkurinn gat komið sér fyrir í honum en alls eru þau 12.

meira...

28. mars 2012 02:21

Árshátíð og 50 ára afmæli

Á fimmtudaginn í síðustu viku var árshátíð Kleppjárnsreykjadeildar haldin hátíðleg. Ennfremur var 50 ára afmæli skólahalds þar fagnað. Af því tilefni voru nemendur í 1. – 6. bekk með leiksýningar í íþróttahúsinu og hjómsveit eldri nemenda spilaði nokkur vel valin lög. Að því loknu var haldið inn í skólann þar sem sett hafði verið upp hin glæsilegasta sýning sem nemendur og starfsfólk hafði unnið. Margir gestir komu á hátíðina og voru skólanum færðar góðar gjafir sem og kveðjur.

Stofnuð hefur verið vefsíða í tilefni árshátíðar og afmælis og hér er slóðin á hana.

http://kleppjarnsreykir.weebly.com/

meira...

22. mars 2012 09:02

Árshátíð og 50 ára afmæli Kleppjárnsreykjadeildar

Í dag verður haldin árshátíð- og 50 ára afmæli

Grunnskóla Borgarfjarðar Kleppjárnsreykjum.

Allir eru boðnir hjartanlega velkomnir og verður dagskráin á þessa leið.

Kl 15: Hátíðin sett með ávarpi skólastjóra íþróttahúsinu.

Ávörp gesta

Að því loknu fara gestir inn í skólahúsnæðið og skoða sýningu nemenda vegna afmælis skólans.

Kl 16:00: Leiksýningar í íþróttahúsinu.

Kl 17:00 : Leiksýningar í íþróttahúsinu endurteknar

meira...

20. mars 2012 10:13

Keppendur í Stóru upplestrarkeppninni

Helgi, Svava og Guðrún

Í dag var undanúrslitakeppni á Kleppjárnsreykjum fyrir stóru upplestrarkeppnina. Hún fór þannig fram að allir nemendur í 7. bekk lásu brot upp úr bók ásamt því að lesa ljóð. Nemendur í 4. - 5. og 6. bekk fylgdust með ásamt dómnefnd en í henni voru þau Þorvaldur Jónsson, Lilja Björg Ágústsdóttir og Ingibjörg Inga Guðmundsdóttir. Stóra upplestrakeppnin verður haldin í Tindarskóla næstkomandi mánudag. Þeir nemendur sem keppa fyrir hönd Kleppjárnsreykjadeildar eru þau Helgi Guðjónsson, Guðrún Helga Tryggvadóttir og Svava Sjöfn Kristjánsdóttir.

meira...