gleði-heilbrigði-árangur

Skólasetning GBF fór fram í dag í yndislegu veðri sem vonandi er tákn um farsælt starf skólans í samvinnu við foreldra og samfélagið allt. Skólastjóri bauð alla viðstadda velkomna til samstarfs í nýjum sameinuðum skóla og gerði grein fyrir stefnu, framtíðarsýn og gildum sem ákveðin hafa verið fyrir skólann. Mjög góð mæting var á setninguna og að henni lokinni var námsefniskynning þar sem  starf vetrar var kynnt og voru þær í höndum umsjónarkennara bekkjadeilda.

Framtíðarsýn Grunnskóla Borgarfjarðar  er að útskrifa metnaðarfulla nemendur, sem nýta styrkleika sína til að ná árangri. Skólinn er sérstaklega sterkur á sviði lýðheilsu, lífsleikni, list og verkgreina með tengingu við náttúru, arfleið, menningu og sögu heimasvæðisins. Skólinn eykur fjölbreyttni sína í gegnum ólíkar starfsstöðvar sem standa saman og vinna saman að stöðugt betri árangri.
 

Á morgun föstudaginn 27. ágúst verður skólasetning í Grunnskóla Borgarfjarðar.

Skólasetning á Hvanneyri verður 

kl. 10:00 í skólahúsnæðinu. 

Á Varmalandi verður skólasetningin

kl. 12:30 í Þinghamri.

Á Kleppjárnsreykjum verður skólasetningin

kl. 14:30 í matsal skólans.

Að skólasetningu lokinni verða námsefniskynningar sem eru í höndum umsjónakennara.

Innkaupalistar eru komnir inn á síðuna. Veljið viðkomandi deild og skoðið listana. 

Það styttist í skólabyrjun.  Í GBF er undirbúningsvinna  hafin og gengur vel. þann  16., 17., og  18. ágúst munu starfsmenn skólans ásamt  fulltrúum foreldra og starfsfólki úr stoðþjónustu hans taka þátt í stefnumótunarvinnu,  eftir það hefst undirbúningur  kennara og starfsfólks fyrir komandi skólaár.

Nokkuð hefur verið um að foreldrar spyrji um innkaupalista og munum við setja þá á vef skólans  í lok næstu viku.

Skólasetning verður föstudaginn 27.ágúst og kennsla hefst samkvæmt stundaskrá mánudaginn 30.ág. Skólasetning  GBF að Hvanneyri verður  kl. 10:00 í skólahúsnæðinu, GBF að Varmalandi   kl. 12:30 í Þinghamri  og í GBF að Kleppjárnsreykjum í  matsal skólans kl. 14:30.

Að skólasetningu lokinni verða námsefniskynningar  sem eru í höndum umsjónakennara.

Verið er að vinna að nýrri heimasíðu fyrir skólann og slóðin er  http://www.gbf.is.  Á upphafsíðunni verða upplýsingar sem eiga sameiginlega  við  um allar deildir og  þar verða sérstakir linkar inn á hverja deild  fyrir sig. Þar verður hægt  að nálgast upplýsingar  um starfsemi viðkomandi  starfsstöðvar. 

Ef einhverjar spurningar vakna þá endilega hafið samband  við skólastjóra eða deildarstjóra viðkomandi deilda.

Með vinsemd og von um gott samstarf á nýju skólaári,

Skólastjórnendur

Hér má sjá skóladagatal fyrir skólaárið 2010-2011 

Myndir frá skólaslitum